India hnam puanzar kengtu Jeremy Lalrinnunga

Khawvel rawlthar ṭha rual inelna 2018 Youth Olympic Games chu kar hmasa Zirtawpni khan a hmawr bawk a ni a, kharna huna ram hrang hrang ten kawng an zawhnaah Mizo rawlthar Jerermy Lalrinnunga chu India hnam puanzar kengtu a ni.

Weightlifter Jeremy hi India infiammi zingah Youth Olympic-a gold medal la thei hmasa ber a ni a, Govt. Complex rawlthar bakah hian Mizo dang Lalremsiami Hmar telna India nula hockey team chuan silver medal an vaw chhuak ve bawk.

India hian a pumpuiah medal 13 a la a, gold medal pathum, silver medal pakua leh bronze medal pakhat niin; Youth Olympic games vawi thum an neih tawh china a chet ṭhat ber ṭum a tawng.

Argentina khawpuia fehchhuak India pasalṭhate hi nimin khan Delhi khawpuiah Olympic Association of India chuan lawmpuina hun a hman pui a, hei bakah hian Prime Minister Narendra Modi an hmu leh ang a, chumi hnuah Jeremy leh Siami te hi Mizoramah an rawn haw thei tura ngaih a ni.