Srikanth-a'n final lut zo lo

Lin Dan hnehin bei­seina sang tak nei mah se Kidambi Srikanth chuan Denmark Open final a lut phak lo. Hmei­chhe inelna lamah Saina Nehwal chu final a in vaw kai a, he thu buatsaih lai hian final result kan hre hman lo.

Inrinnia mipa singles semifinal inkhelah Sri­kanth hi world number 1 Kento Momota lakah 21-16, 21-12 in a tlawm, Japanese shuttler hian India tlangval hneh turin minute 42 bak a mamawh lo.

Hmeichhe inelna lamah Saina a che fuh thung, London Olympic bronze medalist hian minute 30 chhung lekin Gregoria Tunjung chu 21-11, 21-12 in a hneh. Inelnaah hian PV Sindhu pawh a inlan a, mahse first round paltlang zo loin a tla nghal a ni.