MPL fixtures thlak danglam

Aizawl FC-in I League an khelh dawn avangin Mc Dowell's No. 1 Soda Mizoram Premier League Season 7 fixtures thlak danglam a ni.

Tun kara round 9 khelh turah I League club hi Zirtawp zana khelh tur ni mah se Ningani zanah an khelh hun hi sawn a ni.

Gift Raikhan-a enkawl AFC hian an match hnuhnung berah Chawnpui FC hmachhawnin point khat chauh an hlawhchhuah avangin table-ah pathumna ni mah se pangana Chanmari FC nen point thum chauhin an inthlau.

Aizawl FC hian BVT laka point thum an hlawh chhuak lo a nih chuan I League nen an khelh kawp a ṭul avangin hmabak harsa tawh sa a harsat belh ang.

Aizawl FC hian I League match hmasa berah October 28 hian Shillong Lajong an tlawh dawn a, November 3-ah Mohun Bagan tlawh lehin Mizorama an match hmasa ber chu RG Stadium-ah Neroca FC nen an khel ang.

October 25, Ningani
Chhinga Veng 02:00 PM Chanmari FC
Aizawl FC 07:00 PM Bethlehem VT
October 26, Zirtawpni
Chawnpui 02:00 PM Mizoram Police
Electric Veng 07:00 PM Ramhlun North