Mizo boxer tha rual an feh chhuak dawn

Elite (Senior) Men's National Boxing Championship chu Zirtawpni aṭang hian Pune, Maharashtra-ah khelh ṭan a ni dawn a, November 2 thlenga neih tur inelna hmun pan hian nimin khan Mizo boxer pasarih an feh chhuak.

Mizoram boxing team-ah hian Lalfakzuala leh Jonathan te chu coach an ni a, Mizoram Boxing Association (MIZBA)-a joint secretary Lalhmingmawia Ralte chu team manager a ni.

Hetihlai hian a vawi khat nana North East Olympic Games neih turah inelna hmun tur Imphal, Manipur panin nizan khan mipa boxer pariat leh hmeichhe boxer pasarih an feh chhuak bawk.

October 24-28 chhunga neih tur inelnaah hian K. Sangzuala chu team manager a ni a, B. Lalhriatpuii chu coach niin technical officials Vulṭhavunga, Rochhingpuia leh Robert Lalnunmawia Hmar-te an kal ve bawk a ni.