Jamshedpur leh ATK inhnehtawk

Indian Super League inkhelah Pathianni zan khan Jamshedpur FC chuan ATK an mikhual a, goal khat ve ve khungin an inhnehtawk.

JRD Tata Sports Complex, mipui 24,000 lennaah fans 22,812 an pungkhawm a, mualneitu JFC hian Sergio Cidoncha hmangin minute 35-naah hmahruaina goal an khung.

Mahse, ATK hian Manuel Lanzarote hmangin minute 45-naah an si phurh an sut a, goal dang lut tawh loin team pahnih an ṭin.

Jamshedpur tan Jerry Mawi­hmingthanga chuan minute 90 a khel tluan a, Kolkata club tan Ricky Lallawmawma chuan inkhel bul a ṭan ve bawk.

Zanin dar 7:30-ah inkhel pakhat a awm dawn a, match thum an khelh tawha la chak miah lo Chennaiyin FC chuan Delhi Dynamos an lenchilh ang.