Zanin aṭangin India leh Sri Lanka

India leh Sri Lanka chuan T20 match thum an khelh tura hmasa ber chu zanin dar 7:00 aṭangin Ekana Cricket Stadium, Lucknow-ah an khel dawn.

Men in Blue hian captain thar Rohit Sharma hoa T20 series hmasa berah West Indies chu 3-0 in an hneh a, tun ṭumah pawh hian chak zawk tura beisei an ni.

Nikum kum tawp khan T20 World Cup khelh a ni a, India-in group stage an paltlang lo. Kumin kum tawpah T20 World Cup hi khelh a ni lehnghal dawn a, India-in in enchhin nan an hmang chho zel dawn.

Sri Lanka lakah hian team-a awm nghet saa ngaih Virat Kohli, Rishbah Pant leh KL Rahul te an tel lo. Ishan Kishan, Ruturaj Gaikwad leh Sanju Samson te tan an theihna pholan theihna hun ṭha a ni ang.