Quarterfinal-ah Mirza te an lut

India star Sania Mirza leh a ṭanpui Lucie Hradecka te chuan Qatar Open khelh laiah quarterfinal an in hlangkai. Nimin last 16 inkhelah Mirza te hian Beatriz Haddad Maia leh Anna Danilina te chu 7-5, 7-5 in an hneh.

A vanglaia doubles world number 1 pawh lo ni tawh Mirza te hian, quarterfinal-ah chuan Beatriz Haddad Maia leh Anna Danilina te ṭangdun an hmachhawn leh ang, nomawi chawi turin match thum chak an la ngai tihna a ni.

Kum 35 mi Mirza hian tun season tawp hunah tennis a chawlhsan tur thu a lo sawi tawh, tournament a khelh apiang hi atan chuan a hnuhnung ber a ni zel; kum dang zawng aiin nomawi chawi a duhna a sang zual ngei ang.