Eriksen-a dinhmun a ṭha

Christian Eriksen-a'n thlasik bazarah Brentford a zawm a, Danish midfielder hian Bees tan competitive match la khel lo mah se friendly match erawh ṭum hnih a khel tawh.

Bees hian kar liam ta khan division nganaa awm Southend United nen friendly match an khel a, Eriksen hian assist a nei. Thawhṭanni khan Rangers nen friendly match-ah 2-2 in an inhnehtawk a, ṭum hnih assist a neih bakah minute 80 chhung a inlan.

Kum 30 mi Eriksen chuan, "Minute ka nei tam tial tial a, rilru leh taksa lamah ka dinhmun a ṭha. Chu chu ka tana pawimawh ber a la ni rih," tiin a dinhmun a ṭhat thu a sawi.

Tottenham leh Inter Milan midfielder hlui Eriksen chuan, "A nihna ang thlapa ka taksa a che thei hi ka tan chuan a mak zawk. Training-naah thawkrim mah ila, hetiang hian ka dinhmun a ṭha ang tih ka ngaihtuah phak lo. Chuvangin beisei pawh ka neih san phah hle," tiin a sawi.

Brentford hian February 26, Inrinni zan hian Newcastle United an mikhual dawn a, Eriksen hi inlan thei dinhmunah a ding.