F1 season inbuatsaihna an ṭan

Formula 1 season thar an ṭan hnai a, inelna tak la nei dawn lo mah se tlan chhinna chu nimin aṭang khan an nei ṭan. Circuit de Barcelona-Catalunya-ah team hrang hrangin an car thar hmangin tlan chhinna hi an nei chho dawn a ni.

Nimina tlan chhin hmasa ho zingah chuan Ferrari an che ṭha a, nimin chawhnu lam thleng kha chuan Ferrari driver Charles Leclerc chu tlan ṭha ber a ni. Mahse, a hnu lamah Lewis Hamilton leh Max Verstappen te an la inlan ve dawn a, an la khum leh thei ang.

Car intlansiakna sang ber hi March 20 aṭangin an tlan ṭan dawn, a hmasa ber atan Bahrain Grand Prix an tlan dawn. Ruahman dan chuan kumin chhungin inelna 23 an nei dawn, intlansiak a tam ber ṭum a ni ang.