Raducanu a inhliam

US Open champion lai Emma Raducanu chu a khel bawr a hliam. Nimin khan Guadalajara Open-ah a inlan a, a khingpui Daria Saville lakah 5-7, 7-6 (7-4), 4-3 in hma hruai mek mah se, khel bawr na vangin a inkhel tluan thei lo.

British tleirawl hian kuminah match thum a khel tawh a, ṭum khat chauh hnehna a la chang. Australian Open hnua a match hmasa berah hian chak zawk tura rinkai a ni, mahse a vanduai ta zawk a ni.

Inkhel zo hman lo mah se, match an khelh tawh chin chauh pawh hi darkar thum leh minute 36 a ni. Tun season bika hmeichhe tennis match-ah chuan a rei ber a ni hial, set khatna bik hi darkar khat leh minute 20 chhung an khel.

Kum 19 mi Raducanu hian nikum khan khawvel barakhaihin US Open nomawi a chawi, a hnu lamah erawh hlawhtlinna lian a la chang leh thei rih lo. A hliam vanga a chawlh chen tur pawh hi sawi theih a la ni lo.