A vawi hnih nan Djokovic a chak

Novak Djokovic chuan Dubai Tennis Championship lamah hma a sawn zel. Serbian star hian Nilaini zan khan Karen Khachanov 6-3, 7-6(2) in a hneh a, harsatna lian tham tawk loin quarterfinal a lut.

Australian Open khel thei lo mah se Djokovic hian Dubai lamah lawm a hlawh, a match hmasa bera Lorenzo Musetti a hneh ṭum pawhin fans thawm a ṭha. Russian tlangval Khachanov a hneh ṭum pawhin mipui thawm a ṭha leh hle.

Grand Slam vawi 20 champion tawh Djokovic hian set khatna a thunun a, game linaah a khingpui service a chhuhsak. Set hnuhnung zawkah tie break khel ve bawk mah se buaina lian a tawk chuang lo.

Serbian tlangval hian kumina tournament a khelh hmasak ber a ni a, a match khelh tawn chinah a nghet ṭha hle. Nomawi chawi tur chuan match thum chak a la hmabak, a chesual viau a nih loh chuan a champion a rinawm.