Beiseina thar neitu Hamilton

Formula 1 season thar inbuatsaihna an nei chho mup mup a, world champion vawi sarih ni tawh Lewis Hamilton pawhin beiseina thar nen hun a hman thu a sawi, champion a tum ngei dawn.

Mercedes driver Hamilton chuan, "Tun hma zawng aiin ka rilru leh taksa a thar ṭhain ka hria. Car leh thil dangah ngaihtuah tur tam tak a awm, chuti chung chuan rilru a hahdam," tiin a nun a hlim thu a sawi.

Britain tlangval hian season hmasa khan Max Verstappen lakah a nomawi kawl lai a hloh. Kuminah hian Michael Schumacher nen champion hnem ber record inṭawm an neih chu khum tumin hma a la ang.