Thla hnih chawl tur McKennie

Juventus midfielder Weston McKennie chu a ke phah dinglam ruh a tliak a, thla hnih chhung a inkhel thei dawn lo. Old Lady tan chuan United States international inlan thei lo tur hi chânna a ni dawn.

Juventus leh Villarreal ten Champions League an khelh ṭumin Pervis Estupinan-a'n hun tawp dawnah a tlawh a, a hliam hi endik a nih hnuah a chawlh chen tur pawh an tichiang.

Season kal laia Juventus-in Serie A match an khelh hnuhnung ber tur chu May 21 niin Fiorentina nen an inhmachhawn ang, kum 23 mi McKennie hi a dam hman a nih pawhin season tawp lamah bak kan hmu dawn tawh lo tihna a ni.