Virtual championship-ah Mizo che ṭha

India huap Taekwondo Club inelna pakhat, 2020 Virtual Club Open - recognised poomsae, beach poomsae & speed kicking championship chu zawh fel a ni. Goa-a inelna neihah hian Mizoram chuan gold medal 13 lain pahnihna an ni a, an chungah hian inelna thlengtu chauh an awm.

Inelna hi chi hrang pathumah ṭhen a ni a, recognised poomsae, beach poomsae leh speed kicking te a ni. Mizoram hian gold medal 13 bakah silver medal pariat leh bronze medal panga an la bawk.

World Championship leh Asian Championship pawh tun dinhmunah buatsaih mek. Asia Poomsae Championship-ah hian India aiawhin Lalthlamuanpuia, Venghlui chuan under 30 category-ah a khel a ni.