Mane hoa AFCON khel tur Senegal

Liverpool forward Sadio Mane chuan Africa Cup of Nations 2021 khel turin an ram Senegal a tlinpui a, Guinea-Bissau nena qualifier match-an khelhah 1-0 in an chak - goal awmchhun hi Mane khung a ni. 

Mane hian minute 82-naah inkhela goal awmchhun hi a khung a, goal a khung hma hian Guinea-Bissau midfielder Jorge Nogueira chu hnawhchhuah a ni a, player pakhata tam ni chungin Senegal hi an chak ta zawk. 

Africa khawmualpuia ranking nei sang ber Senegal hi AFCON 2021 khel tura inpetkai hmasa ber an ni a, anni hma hian inelna thlengtu tur Cameroon chu an tling sa tawh. 

Senegal hian match li an khelh aṭangin point 12 an nei a, qualifier match hnih khelh tur la awm mah se an tling chiang a ni - kar hmasa khan Guinea Bissau vek hi 2-0 in an lo hneh tawh bawk a, Mane hian penalty aṭangin he inkhelah pawh hian goal-a khung. 

Africa khawmualpuia football thuneitu sang ber Confederation of African Football chuan AFCON 2021 hian Covid-19 vangin January 2022 aṭanga khelh ṭan turin khelh hun hi a lo sawn tawh.