Vawiinah India vs West Indies

India chuan vawiin tlai dar 1:30 hian West Indies nen ODI match nga an khelh tura a vawi hnihna chu Andhra Pradesh-ah an khel dawn. Men in Blue captain Virat Kohli tan he hun hi mellung phunna hun remchang a ni thei ang.

Kohli hian ODI bika run 10,000 vaw chhuak turin run 81 chiah a mamawh tawh a, hetiang dinhmun hi a thleng thei a nih chuan Indian zinga run singkhat vaw chhuak thei palina a ni ang. India captain hian ODI match 204 a khel tawh a, tun dinhmuna run 10,000 vawi chhuak tura match mamawh tlem ber Sanchin Tendulkar-a'n match 259 a mamawh a, vawiina run sing khat a vaw chhuak lo a nih pawhin record thar chu a siam ngei a rinawm.

Kumin hian Kohli hian match 10 lek aṭangin 889 ODI runs a siam tawh a, amaherawhchu kum 2018-ah Jonny Bairstow, Joe Root leh Jason Roy ten India captain aiin an vaw chhuak hnem zawk. Chutihrualin run siam hnem ber Bairstow hian run 1,025 siam turin match 22 zet a mamawh a, Kohli aia a khelh hnem vang chauha vaw chhuak hnem a ni.

Indian batsman ṭha Kohli hian West Indies nen ODI match hmasa ber an khelh ṭumin run 140 a vaw chhuak a, wicket riat zeta hnehna an chan kawngah a ṭangkai hle.