Jeremy leh Remsiami te chawimawi

Mizoram State Sports Council chuan nimin khan Youth Olympic neih zawh taka medal hlawh chhuaktu, Mizo rawlthar Jeremy Lalrinnunga leh Lalremsiami te chawimawina hun a hmang.

Jeremy hian Buenos Aires, Argentina-a Youth Olympic neih zawh takah India tana Youth Olympic gold hlawh chhuak hmasa ber ni turin weightlifting-ah gold a chawi chhuak.

Lalremsiami hi India hmeichhe hockey team tan inlanin final-ah an vanduai a, India tan silver an hawn. Kolasib nula hian August-a neih Asian Games-ah khan silver medal a lo hlawh chhuak tawh bawk.

Synod Conference Centre-a chawimawina hunah hian Jeremy leh Lalremsiami ten hlawhtlinna chang tura an zinkawng ngaihnawm tak an sawi a, sports association hrang hrangin chawimawina an hlan bawk.

SYS Commissioner & secretary Lalthangpuia chuan, "Sports Association hrang hrang thawhrimna leh thawhrah kha kan department-in a rah kan seng. Kan mi pawimawh Jeremy Lalrinnunga leh Lalremsiami te hnathawhah hian India ram sorkar pawh a lawm ka ring a. Keini pawh kan lawm takzet zet a ni," tiin a sawi.

Lalremsiami Hmar Zinkawng
2000 Lalremsiami Hmar pian kum.
2011 Kum 11 mi chauh niin Thenzawl Hockey Academy
a zawm.
2016 National Hockey Acdemy a awm turin thlan a ni a, November thlaah a lut.
2017 India Junior Camp tana training a nei lai chu India coach Harendra Singh-a'n hmu fuhin, senior team tana khel turin a ko.
2017 November thlaah India tan Asian Cup a khel a, match zawng zawngah inlan vekin goal hnih a khung; India a champion pui.
2018 April 4 - 15 chhunga neih 2018 Commonwealth Games-ah India tan koh a ni a, kum 17 mi chauh a la nih avangin squad player naupang ber a ni; Malaysia 4-1 a an sawp ṭumin goal khat a khung.
2018 Women’s Hockey World Cup 2018-ah India aiawhin a inlan a, kum naupang ber a ni zel. India hi semifinal a thlen pui a, Italy an hneh ṭumin goal a khung.
2018 Asian Games-ah India ai a awh leh, Asian ramte inelna lianah hian goal li khungin, India chu silver medal a vuak chhuah pui a ni. Mizo infiammi zinga Asian Games medal la thei hmasa ber a ni nghal.
2018 2018 Summer Youth Olympic Games-ah India aiawhin silver medal a vaw chhuak.

Jeremy Lalrinnunga Sulhnu
International Level
1 IWF World Youth Weightlifting Championships 2016 56kg Silver
2 Commonwealth Youth Weightlifting Championships 2016
56kg Gold
3 Asian Youth Weightlifting Championships 2016
56kg Silver
4 IWF World Youth Weightlifting Championships 2017 56kg Silver
5 Commonwealth Youth Weightlifting Championships 2017 56kg Gold
6 Commonwealth Junior Weightlifting Championships 2017 56kg Gold
7 Asian Youth Weightlifting Championships 2018
56kg Silver
8 Asian Junior Weightlifting Championships 2018
56kg Bronze
9 Summer Youth Olympic Games 2018
62kg Gold
National Level
1 11th National Sub Junior Boys & Girls 2016
50kg Gold
2 12th National Sub Junior Boys & Girls 2016
56kg Gold
3 53rd Men and 29th Women Junior National 2016 56kg Gold
4 13th National Sub Junior Boys & Girls 2018
56kg Gold
5 54th Men & 30th Women Junior National 2018
56kg Gold