NE Olympics Mizoram team-in Manipur an pan

24th October, 2018

North East Olympic Games vawi khatna chu October 24-28 chhung hian Manipur khawpui Imphal-ah hman a ni dawn a, inelna hmachhawn tur Mizoram team chu nimin khan an chhuak. Hawla Indoor Stadium, Republic Vengthlang aṭangin Mizoram Olympic Association secretary C. Laltlanthanga chuan a vai liam.

NE huap inelna lianah hian infiamna chi hrang 13 a awm dawn a, Mizoram infiammi feh chhuak 121 te hi inelna chi hrang 10 - archery, boxing, badminton, judo, karate, weightlifting leh wushu-ah te an tel dawn.

Sorkar laipui chuan tun hma lama neih ṭhin NE Games a titawp a, mahse hmar chhak state hrang hrang ten infiamma hmasawn zel nan a huhoa inelna neih an duh avangin NE Olympics hi an buatsaih. Mizoram team hi MSOA joint secretary Joseph Thansanga chuan a kaihruai a ni.

Mizoram Team

# Inelna Player zat

1 Archery 7

2 Badminton 9

3 Boxing 16

4 Judo 12

5 Karate 11

6 Shooting 11

7 Taekwondo 20

8 Table Tennis 9

9 Weightlifting 12

10 Wushu 13