Premier club neitute hi eng ang chiaha hausa nge?
Manchester City-in Arab sum mawm an chawm hnuah khawvel pum huapa club ṭha zingah chhiar tel an ni chho zel. An hmelma Manchester United pawh tun hnaiah Saudi Arabia lal fapa Mohammad bin Salman chuan lei tumin an dawr a, an hlawhtlin erawh a rinawm rih lo.
Mohammad bin Salman hausakna hlut zawng hi pound tluklehdingawn 2.3 a ni a, United an lei thei a nih chuan Premier League club neitu zingah a hausa zingah an tel pha dawn. An chhungkaw hausakna pound tluklehdingawn 850 chhut phei chuan an hausa fal nalh theih ang.
Tun dinhmuna Premier League club neitute leh an hausakna an chhutsak dan chu :
20. Burnley chairman Mike Garlick leh director John Banaskiewicz te chuan club neitu nihna 77% an nei a, an hlutna hi pound maktaduai 61 a ni.
19. Bournemouth neitu zinga share chang tam ber Maxim Demin hlutna chu £100m a ni.
18. Watford neitu Gino Pozzo hlutna chu £120m a ni.
17. Huddersfield Town neitu Dean Hoyle hlutna chu £290m a ni.
16. Cardiff City neitu Vincent Tan hlutna chu £628million a ni.
15. Brighton and Hove Albion neitu Tony Bloom hlutna chu tluklehdingawn (tld) khat anga chhut a ni.
14. Southampton neitu Gao Jisheng hlutna chu £1.1tld a a ni.
13. Everton neitu Farhad Moshiri hlutna chu £1.3 tld a ni.
12. West Ham neitute David Sullivan leh David Gold te hlutna chu £1.5 tld a ni .
11. Liverpool neitu John W. Henry hlutna chu £1.99 tld a ni.
10. Newcastle United neitu Mike Ashley hlutna chu £2.45 tld a ni.
9. Manchester United neitu Glazer Chhungkua hlutna chu £3.6 tld a ni.
8. Leicester City neitu Vichai Srivad-dhanaprabha hlutna chu £3.75 tld
a ni.
7. Manchester City neitu Sheikh Mansour bin Zayed Al Nayhan hlutna chu £3.76 tld a ni.
6. Tottenham Hotspur neitu Joe Lewis hausakna chu £3.83tld a ni.
5. Crystal Palace neitute Steve Parish, Josh Harris leh David Blitzer hlutna chu £3.68 tld a ni.
3= Fulham neitu Shahid Khan neitu hlutna chu £5.28 tld a ni. Khan hian tun hnaiah Wembley Stadium lei a tum a, a beisei anga thlawpna a hmuh ṭhat loh avangin a inhnukdawk.
3= Wolverhampton Wanderers neitu Guo Guangchang hlutna chu £5.28 tld a ni.
2. Arsenal neitu Stan Kroenke hlutna chu £6.51 tld a ni.
1. Chelsea neitu Roman Abramovich a hausa ber a, a hlutna an chhut dan chu £8.88 tld a ni.