Olympic entu awm theih an beisei

International Olympic Committee (IOC) chief Thomas Bach chuan nakkumah Tokyo Olympic an neih theih ngei a beisei a, infiamna khawmpui lian hi a hmuna entu an awm theih a ring bawk.

Coronavirus vangin Tokyo Olympic 2020 hi kuminah neih theih a ni lo. March thla khan inelna hi nakkum atan an sawn thu an ti chiang a, sawn a nih hnuah a vawi khat nan Banch-a'n tun hnaiah Japan hi a tlawh leh chiah a ni.

Bach chuan, "IOC chuan Japanese mipuite a zahin an himna tur a nih chuan theihtawp a chhuah dawn. Covid-19 damdawi a chhuak hman a nih chuan Olympic hmang tur infiammi leh entu zawng zawng pawh invenna damdawi ei sa vekin an kal ang.

"Tunah hian nakkuma Olympic neih theih ngei hi ka ring tlat a, a hun kan sawn pawh hi a hlawhtlin a rinawm. Harsatna tawk ṭhin mah ila a tawpah chuan kawl a lo êng ṭhin tih fiahna a ni dawn," a ti.