KDB tan contract thar a hnai

Manchester City midfielder Kevin De Bruyne chuan contract thar a ziak hnai a, a khelh mekna Premier League club nen inbiakna an kalpui mek.

Belgium international hian Etihad Stadium-ah 2023 thleng daih contract a nei mek, khelmual chhungah thiampuipa a nih avangin Pep Guardiola hnuaiah rinrawl a ni a, contract thar an zawrh hi a mak hran lo.

Kum 29 mi De Bruyne chuan, "Manchester City-ah hian ka hlim a, club neitu ten min kaihhruai dan pawh hi a lungawi thlak viau. Tunah hian contract thar chungchangah pawh inbiak mek a ni a, mimal thutlukna siam theih erawh a la ni lo," a ti.

Season hmasa khan KDB hian Premier League-ah a ṭhiante khung tur vawi 20 ngawt a siamsak a, PFA player of the year atan thlan a ni.