India-in Sri Lanka an hneh

India leh Sri Lanka ten Ningani zan khan T20 match thum an khelh tura hmasa ber an khel a, Men in Blue hi 62 runs-in an chak. Zanin dar 7:00 hian HPCA Stadium, Dharamshala-ah T20 match hnihna a khelh a ni ang a, match thumna hi February 27, Pathianni hian stadium ngaiah match thumna khel leh tur a ni.

Ekana Sports City, Lucknow-a inkhelah India top order an che ṭha a, bat hmasa pathum captain Rohit Sharma (44), Ishan Kishan (89) leh Shreyas Iyer (57*) te zarah 199/2 runs an siam. Sri Lanka tan target hi a sang mah mah a, harsatna belhchhah turin top order te an che ṭha lo. Lions hian over 20-ah 137/6 chauh an siam avangin mualneitu India hi 62 runs-in an chak.