Warriors chak chiang

Nimin zing khan NBA regular season khelh chhunzawm a ni. All-Star Game lama che ṭha tak Stephen Curry telna Golden State Warriors chuan Portland Trail Blazers chu 132-95 a sawpin nuamsa takin hnehna an chang.

Golden State tan Curry-a'n point 18 a neih bakah assist ṭum 14 a nei bawk a, season kal laiah match khata assist a neih hnem ṭum a ni. Klay Thompson chuan point 18 bawk a nei a, kumin bikah chuan GSW hian match khata point an neih hnem pahnihna a ni.

Western Conference hmahruaitu Phoenix Suns pawh an che ṭha chhunzawm leh nghal. Team hmuhnawm Suns hian Oklahoma City Thunder chu 124-104 in an hneh a, season kal laia vawi 49 an chakna niin anni aia chak hnem an awm lo.

NBA - Nimin Results
Cleveland Cavaliers 103 - 106 Detroit Pistons
Boston Celtics 129 - 106 Brooklyn Nets
Atlanta Hawks 108 - 112 Chicago Bulls
Memphis Grizzlies 114 - 119 Minnesota Timberwolves
Phoenix Suns 124 - 104 Oklahoma City Thunder
Golden State Warriors 132 - 95 Portland Trail Blazers
Denver Nuggets 128 - 110 Sacramento Kings