Nungchang mawi lo Zverev-a'n pawisa chawi

Alexander Zverev-a thinrim insum zo loin umpire ṭhutna chair a vua a, tournament aṭanga paih a nih hnuah $40,000 (Rs 30,15,500) an chawitir. Lawmman a dawn tur zinga mi $30,000 (Rs 22,61,415) an pe tel lo bawk.

World number 3 hian singles match-ah hnehna a chang a, mahse doubles huangah an che fuh lo. An chet fuh loh danah Zverev hi a lungawi lo, court a chhuahsan rualin a thinrim insum zo loin thil mawi lo hi a ti.

German tlangval hian a hnuah ngaihdam a dil a, a thil tih chu pawm theih a nih loh thu a sawi. Media hrang hrang pawhin a chet dan hi infiamna nena inmil lo leh mawi lo an tih thu an sawi nasa.

Mexican Open-ah hian season hmasa khan Zverev hi a champion, kumina ATP ranking point a hmuh tur pawh pek a ni dawn lo. Thinchhiat vanga sawisel lo hlawh fo tawh hian zir tur a la ngah hle.