Leicester-in ECL nomawi an beisei

Brendan Rodgers-a'n Europa League aṭanga an tlak hlimin Europa Conference League a hriat ngai loh thu sawi mah se, knockout playoff an khelh meuh chuan ECL-ah champion an tum thu a sawi a, kawng dik an zawh zel.

Premier League-a beisei phak lo Leicester hian an mikhualna ramah Randers FC chu 3-1 in an hneh a, James Maddison chuan goal hnih khungin Harvey Barnes chuan goal khat a khung ve bawk.

Danish club tan Stephen Odey chuan goal khat khung ve mah se awmzia a nei phak lo a, first leg-ah 4-1 a an lo chak tawh bawk avangin inkhel pahnih belhkhawmah 7-2 in an chak a, ECL last 16 an lut.

Leicester manager Brendan Rodgers chuan, "European football emaw Premier League-ah emaw, game ṭhenkhatah chuan tlarhnung ngaih pawimawh hmasak a ngaih chang a awm ṭhin. Kan duh ang ngeiin bul kan ṭan a, Harvey Barnes-a'n goal ṭha tak a khung a, kha khan inrintawkna min pe a ni," a ti.

ECL inkhel ngaihven hlawh dangah Bodo/Glimt chuan 2-0 in Celtic an hneh a, Ola Solbakken leh Hugo Vetlesen ten goal khat ve ve an khung - club pahnih intawn hmasakah Norwegian club hian 3-1 in hnehna an lo chang tawh a, inkhel pahnih belhkhawmah 5-1 in an chak!

ECL Knockout playoff
Second Leg, February 24, Ningani Zan
Qarabag 0 - 3 Marseille
MAR: Pape Gueye 12'; Mattéo Guendouzi 77'; Konrad De La Fuente 90'
Agg-ah Marseille 6-1 in an chak

Maccabi Tel Aviv 1 - 1 PSV Eindhoven
MAC: Enric Saborit 90'
PSV: Yorbe Vertessen 84'
Agg-ah 2-1 in PSV an chak

Randers 1 - 3 Leicester City
RAN: Stephen Odey 84'
LEI: Harvey Barnes 2'; James Maddison 70', 74'
Agg-ah 7-2 in Leicester an chak

Bodø / Glimt 2 - 0 Celtic
BOD: Ola Solbakken 9'; Hugo Vetlesen 69'
Agg-ah 5-1 in Bodø / Glimt an chak

Partizan 2 - 1 Sparta Prague
PAR: Ricardo Gomes 7'; 24'
SPA: Adam Hložek 85'
Agg-ah 3-1 in Partizan an chak

Slavia Prague 3 - 2 Fenerbahce
SLA: Ivan Schranz 19'; Yira Sor 27', 63'
FEN: Mert Yandas 39'; Mërgim Berisha 90'
Agg-ah 6-4 in Slavia an chak

PAOK 2 - 1 FC Midtjylland
PAO: Andrija Živkovic 20'; Vieirinha 26'
FCM: Daniel Høegh 80'
Agg-ah 2-2 in an inhnehtawk a, penalty-ah 5-3 in PAOK an chak

Vitesse 2 - 0 Rapid Vienna
VIT: Adrian Grbic 3'; Matúš Bero 19'
Agg-ah 3-2 in Vitesse an chak