Match khat atan Mbappe an hrem

Kylian Mbappe chu Ligue 1 match khat atan hrem a ni. March 5 zana Nice an hmachhawn hunah Paris Saint-Germain forward hi a inlan thei dawn lo, tun kar tawpa St-Etienne nen an inkhelh hunah erawh a inlan thei ang.

Tun hnai league match 10 tling loah Mbappe hian yellow card vawi thum a hmu hman a, chuvangin hrem a ngai. Hremna hi March 1 aṭanga nung tur a nih avangin zaninah chuan a la inkhel thei dawn tihna a ni.

France international bakah hian player dang pathum - Arnaud Souquet (Montpellier), Julien Laporte (FC Lorient) leh Florian Tardieu (ESTAC Troyes) te chuan hremna hi an tuar ve bawk.

Ligue 1 hmahruaitu PSG hian zanin dar 1:30 hian Le Parc des Princes-ah St-Etienne an mikhual ang.