Russian GP awm dawn lo

Formula 1 Russian Formula 1 Grand Prix chu tun season atan a awm dawn lo. Russia leh Ukraine indona vangin driver ṭhenkhat chuan Russia rama intlansiak hi a him loah an ngai, intlansiak thuneitu lam chuan nimin tlai khan ṭhulh a nih thu hi an puang.

Russia hian president Vladimir Putin thupekin Ukraine an bei a, buaina hi awlsam taka chinfel a ni mai dawn lo niin a lang. Ruahman dan chuan Russian GP hi kumin September thlaah an tlan ang, mahse an ṭhulh tak avang hian season thara intlansiak 23 awm tur chu 22-ah a tlahniam leh nghal.

F1 chuan thuchhuan siamin, "Tuna a lan dan chuan Russian GP tlan theih a ni dawn lo," an ti.

F1 team zinga mi Haas chuan Russian firm Uralkali nena an thawhdunna chu an lo ti tawp tawh. An driver Nikita Mazepin erawhin American team car hi a khalh chhunzawm dawn. Mazepin-a hi Russian billionaire Dmitry Mazepin fapa a ni.