Perisic a chawlh rih a ngai

Ivan Perisic chu training an neihnaah a ke rek a hliam a, a hliam vang hian Bayern Munich chuan an winger hi thla khat chhung vel chu an chhawr thei dawn lo, nizana German Cup an khelhnaah pawh an chhawr lo.

Bayern Munich manager Hansi Flick chuan, "Chawlhkar li chhung chu a chawlh phawt a ngaih hmel a, chumi hnuah training a nei leh thei chauh ang. Football chuan hliam hi a keng tel a, a chang chuan kan duhdan loh deuha thil a thlen pawhin kan pawm thiam a ngaih chang a awm," a ti.

Bundesliga vawi ruk champion zawn tawh Bayern hian nizan khan German Cup-ah Hoffenheim an hmachhawn a, league lama an elpui RB Leipzig nen Pathianni zanah an intawn zui dawn bawk avangin an hmabak a hautak chho hle.