Australian Open a chiang lo

Coronavirus vanga buaina chuan kian zai a la rel thei lo, tennis season thar pawh a nghawng ngei dawn. Nakkum January thla a khelh tur Australian Open chu an khel thei ngei dawn em tih a la chiang thei lo.

Tennis Australia boss Craig Tiley chuan, "Inelna lian thleng tur chuan khawvel hmun hrang hrang aṭangin player an rawn zin khawm a ngai dawn, chumi dawng tur chuan tennis thuneitu lam chauh ni loin sorkar lam a inpeih tel a ngai.

"Tun season khan vanneih thlak takin buaina nei loin kan khel zo thei hram a, season tharah erawh eng tiangin nge hri leng hian min nghawng dawn tih a chiang lo," tiin a sawi.

Tun season-ah Australian Open chauh hi Grand Slam pali zingah a hmuna entu awm chunga an khelh theih a ni a, Wimbledon phei chu indopui pahnihna hnua a vawi khat nan an khel lo hial.