Second round-ah Sindhu

India nula badminton khel thiam PV Sindhu chuan French Open khelh laia a match hmasa berah hnehna a chang a, harsatna lian tham tawk loin second round a inhlangkai.

Thawhlehni zan in­khel­­ah seeded pathum­na Sindhu hian minute 34 chhungin Beiwen Zhang chu 21-17, 21-8 in a hneh. Kar hmasa khan Denmark Open-ah a match hmasa berah a tlawm nghal a, second round luh hi chanchin ṭha a ni.

Rio Olympics silver me­dallist Sindhu hian a match lehpekah chuan, Cheung Ngan Yi leh Saya­ka Sato te inkhela a chak zawk a hmachhawn leh ang.

Sindhu a chak lai hian mipa doubles pair Arjun M.R. leh Shlok Rama­chandran te erawh 14-21, 17-21 in Chinese pair of Li Junhui leh Liu Yunchen te ṭangdun lakah an tlawm.