Zaninah USAM Award

United Sports Asso­ciation of Mizoram (USAM) chuan zanin dar 7:30 hian Hotel Floria, Aizawl-ah USAM Sports award 2018 a sem chhuak leh dawn a, award hi an vawi thum semna tur a ni ang.

Tun ṭumah hian award chi hrang pasarih - Best Sportsman, Best Sportswoman, Best Young Male Player, Best Young Female Player, Best Coach, Best Promoter bakah nikum lama la tih loh Sports Media Person Award siam thar a ni bawk.

Kum 2016 khan Ignite Studio, Khatla-ah sem a ni a, hemi ṭum hian award chi hrang pariat sem niin; Cable TV pahnih LPS leh Zonet bakah Mount Everester Lalrintluangi hnenah chawimawina hlan an ni bawk.