Moscow-a Mayweather hmachhawn duh Khabib

UFC fighter Khabib Nurmagomedov chuan boxing legend Floyd Mayweather nen an inhmachhawn dawn a nih chuan Moscow-ah ngei intawn a duh thu a sawi.

Conor McGregor-a hneh hnu lawkah Khabib hian Mayweather a cho thu social media kaltlangin a tarlang a, American fighter hian, "Ka khawvelah rawn zuang lut ta che," tiin a chona hi a chhanglet.

Nurmagomedov chuan Russian Boxing Fede-ration-a secretary general Umar Kremlev nen an inbiak tawh thu a sawi a, "Mi nuai khat vel kan inhnek en turin an rawn punkhawm theih an beisei a ni.

"Broadcasting lamah ni se world record hial kan siam ka ring a, Moscow khawpuia Luzhniki Arena hmingthang taka inhmachhawn kan duh a ni," a ti.

Vawi 50 inhnek a hma-chhawn tawha la tlawm miah lo Mayweather hian August 2017 khan UFC star McGregor chu a lo tukdawl tawh a, he fight aṭang ringawt hian pound maktaduai 210 a hlawh chhuak.

Khabib Nurmago-medov hian mixed martial arts-ah vawi 27 hnehna chang tawhin a la tlawm lo a, mahse a hmingthanpui hi a 'wrestling skill' a nih avangin boxing-ah eng tak nge a an dawn hriat a chakawm hle.