India-in series an la

India leh Sri Lanka ten T20 match thum an khel a, Men in Blue-in match hmasa pahnihah hnehna changin series an la. Nizan khan match thumna an khel a, result kan hre hman lo.

Inrinni khan match hnihna Dharamshala, Himachal Pradesh-ah khelh a ni a, ṭhumvawra vannei India-in vawm hmasak an thlang. Sri Lanka tan Pathum Nissanka (75), Dasun Shanaka (47*) leh Danushka Gunathilaka (38) te an che ṭha a, 183/5 runs tehmuah an siam avangin chak turin an dinhmun a ṭha.

India tan opener Rohit Sharma (1) leh Ishan Kishan (16) te che ṭha lo mah se Shreyas Iyer (74*), Ravindra Jadeja (45*) leh Sanju Samson (39) ten an theihna pholangin over 17.1-ah 186/3 runs siamin hnehna an chang.