Bayern chakna Leroy Sane

Bayern Munich chu Inrinni zan khan Deutsche Bank Park-ah an lenglut a, Leroy Sane goal hmangin mualneitu Eintracht Frankfurt an hneh hram. Bavarians-in point thum hlu tak an hlawhchhuah avangin table chung berah dinhmun an sawhnghet.

Julian Nagelsmann-a hoten tun hnaia result ṭha an nei lo a, inrintawkna an hloh. Nikum October thla tir khan Bayern hian Allianz Arena-ah Eintracht Frankfurt hi an hneh tawh loh avangin vanduai theihna an ni tih chiang.

Goal hmaah Bayern an hriam chuang lo a, chance ṭha an hloh nasa. First half-ah goal an khung theih loh avangin point hloh thei dinhmunah an ding a, Robert Lewandowski-a'n a thiamna lantir mah se goal hmaah a vanduai.

Bench aṭangin minute 67-naah Sane a rawn lut a, Manchester City winger hlui hian minute 71-naah Joshua Kimmich-a siamsak chu goal-ah a chantir nghal. Bayern-in an phu angin point thum an hlawh chhuak a, goal dang erawh an khung belh tawh lo.