I League khelh a ni dawn ta

India rama club foot-ball inelna sang ber I League chu vawiin tlai dar 5:00 hian khelh ṭan a ni dawn a, match hmasa berah Chennai City leh Indian Arrows an intawng ang.

Coimbatore lama insawn Chennai City FC hian Singaporean coach tawnhriat ngah Akbar Nawas an lalut thar a, Asia-a club langsar ni phak Tampines Rovers leh Filipino club Global Cebu te pawh lo enkawl tawh a nih avangin beiseina an nei sang ang.

Indian Arrows hi rawlthar beiseiawm rual awmkhawmna an ni a, Portuguese coach Luis Matos an chan hnuah Indian coach Floyd Pinto enkawlna hnuaiah an khel dawn.

Arrows hian Mizo rawlthar Lalengmawia an kawl sa a, goalkeeper Lalbiakhlua Jongte chu India U16 aṭangin Arrows squad-ah hian sawn chhoh a ni bawk.

I League hi Star Sports 3-ah live-in en theih a ni dawn a, online-a en duh tan hotstar lamah a en theih dawn bawk a ni.