Mizo goal-in India chhan zo lo

Nepel-a khelh SAFF Under 15 Champion-ship-a an match hmasa berah India Under 15-in hnehna an chang zo lo a, Mizo rawlthar paruk telna team hian Pakistan chu 1-2 in an ngam lo.

India goal neih chhun hi TC Vanlalruatfela khung a ni a, ani hi Mizoram Under 15 League khelh meka Tata Trusts CoE player a ni. Blue Tigers-in goal dang an neih theih loh avangin Mizo rawlthar goal khungin India a chhan thei lo.

October 29-ah an match hnihnaBhutan nen an khel leh ang. India team-ah hian Vanlalruatfela bakah Lalchhanhima Chhawnghlut, P. Lalrampana, Samuel Lalrinsanga, Lalpekhlua Jongte leh Fredy Chawngthansanga Cherhlun-te chu an tel a ni.