India Police zinga badminton thiam ber Mizoram

All India Police Badminton Champion-ship 2018-ah Mizoram Police chu a vawi khat nan an champion. Mizoram hian New Delhi-a inelna neih zawh takah hian team champion ni turin gold pasarih, silver pakhat leh bronze pahnih an la.

Inelna hi Indira Gandhi Stadium, Jadhav Hall-ah October 22-26 chhung khan neih a ni a, Mizoram Badminton Association-in tualchhung badminton hmasawnna tura Mizoram Badminton League a buatsaih rah an seng tih pawhin a sawi theih dan a awm.

MBL-a player ṭha Samuel Lalnunmawia'n singles-ah gold lain Lalmuanawma nen ṭangkawpin gold medal an la a, Muanawma hian singles-ah bronze a la bawk. Kum 45 chung lama singles-a silver leh mixed doubles-a gold latu Lalthanzuala pawh MBL1-ah inlan bawk.

Mizo shuttler zinga sulhnu nei ṭha ber ang hiala sawi theih Muanawma chuan, "A vawi khatna hi a hlutna a ni. India ram state hrang hrang aṭangin shuttler ṭha tak tak an tel a, sports quota-a lut player an ni hlawm, chung zinga ṭha ber kan ni thei hi a lawmawm hle," tiin Vanglaini a hrilh a. Mizoram Police-in badminton kaltlangin Mizoram hming an tiṭha.

Men's Open Singles
Samuel Lalnunmawia Gold
Lalmuanawma Bronze
Men's Doubles
Samuel Lalnunmawia & Lalmuanawma Gold
45+ Singles
K. Lalhmachhuana Gold
Lalthanzuala Silver
45+ Doubles
Lalthanzuala & K.Lalhmachhuana Gold
45+ Mixed Doubles
Lalthanzuala & Zoramthari Gold
GO 45+ Men's Doubles
Zosangliana & K Laltluangliana Gold
GO Men's Singles
Lalruatkima Bronze