A thiam pali zingah Pliskova

WTA Finals khelh laiah champion lai Caroline Wozniacki chu group match paltlang zo loin a tla a, Karolina Pliskova erawhin semifinal a in vaw kai thung.

Ningani zan inkhelah kum 28 mi Wozniacki hian semifinal lut tur chuan set hloh loa hnehna chan ngei a ngai. Elina Svitolina lakah set hmasa ber la mah se, Denmark nula hian set hnihna a hloh a , 5-7, 7-5, 6-3 in hnehna chang mah se a tlang zo ta lo.

Inkhel dangah Karolina Pliskova chuan amah ang tho a Czech Republic nula dang Petra Kvitova chu 6-3, 6-4 in a hneh a, an awmna group aṭangin Pliskova leh Svitolina ten knock out round an lut.

WTA Finals-ah hian player ṭha zual pariat an inlan a, group pahnihah ṭhen hran an ni. White Group aṭanga lut an chiang tawh a, nimin khan Red Group lam chinfel ve leh a ni a, he thu buatsaih lai hian result kan hre hman lo.