Semifinal khel lo tur Bengaluru

Bengaluru-in Indian Super League semifinal an khel dawn lo tih a chiang ta a, Pathianni zan khan ATK Mohun Bagan chuan 2-0 in an hneh - Liston Colaco leh Manvir Singh ten goal khat ve ve an khung.

Kum 23 mi Goan forward Colaco hian tun season-ah league match 18 khelin goal riat a khung tawh a, vawi thum assist nei bawkin season a hmang ṭha hle.

Punjabi striker, kum 26 mi Manvir Singh pawhin league match 18-ah goal ruk khungin assist vawi khat a nei a, season hmasaa a goal khung zat a khung der tawh.

Bangalore club-in match khat chiah khelh tur an nei tawh a, an match tawp berah chak pawh ni se palina Mumbai City an um phak thei tawh lo.

Kolkata club hlun Bagan erawh hnehna an chan avangin table-ah pathumna an ni a, league match hnih khelh tur an la neih avangin semifinal an khelh ngei a rinawm tawh.