GIG Motors Veteran Football Tournament 2022

Mizoram Football Association (MFA) hriatpuia neih tur GIG Motors – Veteran Football Tournament 2022 chu April 5 aṭangin khelh ṭan a ni dawn.

Inelna hi a tirah chuan February thlaa khelh tura tih a ni. Mahse, hripui leng vangin a hun pangngaiah khelh theih a ni lo, a vawi hnih nan an ruahman nawn.

Tun hnai khan inelna sponsor-tu GIG Motors aiawh leh inelna organizing committee ṭhukhawm chuan, inelna hi April 5-a ṭan turin thutlukna an siam. Mizoram University football ground, Tanhrilah tournament hi khelh tur a ni. Semifinal leh final chu Rajiv Gandhi Stadium-ah khelh a ni ang.

Inelna a tel turte tan entry fee hi March 26 thleng pek theih a ni ang. Entry fee hi Y2Goal Agencies, Chanmari leh Chawngthu Sports, Dawrpui (Mosolman Biak In bul) ah te pek theih a ni.