Dubai-ah Rublev a hlawhtling

Tun laia khel ṭha thei tak Andrey Rublev chu Dubai Tennis Championship-ah a champion, kar hmasa lawk khan hlawhtlinna a lo chang tawh bawk - ni sarih chhungin nomawi pahnih a chawi hman tihna a ni.

Pathiannia final inkhelah Russian tlangval hian Jiri Vesely chu 6-3, 6-4 in a hneh. Marseille Open nomawi a chawi hnuah Dubai-ah pawh ngam loh a tawng lo a, an ramin buaina a neih laiin infiamna lamah erawh a buai ve rih lo.

Tennis a khelh chhunga nomawi 10 chawi tawhtu Rublev chuan, "Tun hnaiah ka inkhel hnemin mut pawh ka mu mumal meuh lo, infiamna bakah kan ram dinhmun ngaihtuah a ngai bawk. A nihna takah chuan remna hi awm thei se ka duh," a ti.

Dubai Tennis Championship-ah hian Novak Djokovic pawh a inlan a, mahse Serbian star hian kumina tournament a khelh hmasak berah beisei a phak lo. Jiri Vesely hneh loin quarterfinal-ah a zinkawng a tawp.