India chhuanvawr pathum chak lo

Badminton huanga India ti hmingṭha ṭhintu Kidambi Srikanth, Saina Nehwal leh PV Sindhu te chuan French Open-ah final an thleng zo lo vek a, Inrinni zan khan Indian shuttler pathum hi an tla kim.

Quarterfinal inkhelah Rio Olympic silver medalist P. V. Sindhu-i'n bul ṭan mah se a daih rei lo, Chinese nula He Bingjiao nen minute 40 an inkhelh chhungin 13-21, 16-21 in a chak lo zawkah a ṭang.

Mipa singles lamah Kidambi Srikanth pawhin result ṭha a nei lo, tun hma lama a hneh ve fo tawh Japanese shuttler Kento Momota lakah 21-16 21-19 in a tlawm. Zirtawpni khan Saina Nehwal pawh Chinese Taipei nula Tai Tzu Ying lakah a lo tlawm tawh bawk a ni.