Mizo telna India-in semifinal lut

Mizo paruk telna India Under 15 chuan nimin zing khan SAFF Under 15 Championship-ah Bhutan chu 4-0 in an sawp a, semifinal an lut.

India tan Shubho Paul chuan goal hnih a khung a, Subba Kushang leh Xalxo Aman ten goal khat ve ve an khung bawk. India hian November 1-ah semifinal an khel dawn a, Bangladesh leh Nepal inkhela chak zawk an hmachhawn ang.

India U15-ah hian Vanlalruatfela, Lalchhanhima Chhawnghlut, P. Lalrampana, Samuel Lalrinsanga, Lalpek-hlua Jongte leh Fredy Chawng-thansanga Cherhlun-te chu an tel.

Match hmasa zawka Pakistan an hmachhawn ṭumin Vanlalruat-fela hian India goal neihchhun a khung a, mahse 2-1 in an chak zo lo. Bhutan lakah erawh insiamṭhain hnehna an chang a, a thiam pali zingah an tel ta a ni.