Goal khung thiam Goa

FC Goa-in Indian Super League-ah goal khung an uar chhunzawm zel a, Mumbai City laka goal nga an khung hnu lawkah Maharashtra club bawk an sawisak chhunzawm a, Pune City chu 4-2 in an hneh.

Season hmasaa Goa tana match 23-a khelha goal 20 khung thei Ferran Corominas chuan a hming chher chhunzawm zelin goal hnih a khung a, assist vawi hnih a nei bawk - injury time-ah hnawhchhuah zui a ni a, a hma hian Pune winger Diego Carlos chu hnawh-chhuah a ni bawk.

Goan club tan Jackichand Singh leh Hugo Boumous te chuan goal khat ve ve an thawh ve bawk a, Pune City tana Marcelo Pereira leh Emiliano Alfaro goal khungin awmzia a nei lo.

Red card a hmuh avanga Bengaluru a hma-chhawn theih loh hnuah Lalchhuanmawia Fanai chu Pune City tan a lo kir leh ta a, a team erawh a chhan thei bik lo.

Zanin dar 7:30-ah inkhel pakhat a awm dawn a, Delhi Dynamos chuan NorthEast United an mikhual ang.