Grace-i goal a tawk lo

AFC Under 19 Women’s Championship Qualifier-ah India chuan team ṭha zawka ngaih Thailand chu 1-0 in an hneh a, goal awmchhun hi Mizo nula Grace Lalrampari khung a ni.

Mahse, India tan Grace-i goal khung a tawk zo lo a, second qualifying round an inpetkai zo ta chuang lo. India hi Thailand, Nepal leh Pakistan-te nen Group B an awmho a, Thailand leh Nepal nen an point ruk ṭheuh hmu mah se an pathum intumna enkual a nih hnuah India an tla a, Thailand leh Nepal an tlang.