Mangṭha mai le, Pa ngainatawm!

Vichai Srivaddha-naprabha chuanna helicopter a chesual tih a chian rualin fan-ten an club neitupa an ui thu an sawi liam liam a, Foxes-in thuchhuah a siam hma hauhin an hotupa pualin King Power Stadium-ah fans tam takin pangpar an dah.

Fan pakhat Richard Jackson, "English football-a neitu ṭha ber an ni a, he club, team leh fan-te tan an theihna zawng zawng an pe a ni," a ti.

Season ticket holder zinga mi Market Bosworth chuan, "Leicester tana an hnathawh zawng zawng hi sawisen rual a ni lo a, anmahni zahna lantir nana stadium-a kal tal hi chu kan tih ve tur a ni," tiin a sawi.

Kum 50 chuang Leicester fan ni tawh Richard Mobbs chuan, "Pa fel tak, a bula awm nuam em em a ni a, vawi tam kan titi dun tawh a, zahna lantir hi a phu a ni," tiin a sawi a, ani hi Vichai chhungkua hian season ticket a thlawnin an pe a ni.