MPL Under 18 Season 7 Aizawl FC an chak nawn

Mizoram Premier League Under 18 season sarihna chu nimin khan Lammualah khelh chhunzawm a ni a, Aizawl FC chuan Lalremruata Hauhnar leh Vanlalnghaka te goal hmangin kai thar Chawnpui FC 2-0 in an hneh a, a zawnin match hnih hnehna an chang ta.

Chawnpui hian an match hnuhnung zawkah Bethlehem Vengthlang chu si khat faiin an hneh a, AFC lakah erawh an mamawh goal an khung thei lo. AFC hian Ninganiah BVT an hmachhawn leh ang a, a tuk Zirtawpniah Chawnpui hian Electric Veng an hmachhawn leh thung ang.

Nimin inkhel pakhat zawkah Mizoram Police chuan chawlhlawk hma chiaha Lalmuankima goal khat hmangin Bethlehem Vengthlang an hneh a, tun season MPL Under 18 match thum an khelh tawh china hnehna an chakna hmasa ber a ni; BVT erawhin chak ni hmel an la hmu lo.

Vawiin hian a hmun ngaiah inkhel pahnih a awm leh dawn, chawhma dar 10:00-ah round hmasa bera chak thei awmchhun Chhinga Veng leh Chanmari an inkhel ang a, chhun dar 12:00-ah Electric Veng leh Ramhlun North an inkhel zui ve bawk dawn a ni.

October 30, Thawhlehni
Mizoram Police 1 - 0 Bethlehem VT
MRP : Lalmuankima 44'
Aizawl FC 2 - 0 Chawnpui FC
AFC : Lalremruata Hauhnar 11'; Vanlalnghaka 37'
31 October, Nilaini
Chhinga Veng 10:00 AM Chanmari FC
Electric Veng 12:00 PM Ramhlun North FC