Nadal umphak tum Djokovic

Tun kar chhungin Paris Masters khelh a ni dawn a, world number 2 Novak Djokovic leh a chunga awm Rafael Nadal tan Masters 1000 hi inelna pawimawh a ni dawn, number 1 ni chunga season khar tur zawk a la chiang rih lo a ni.

Thawhṭanni zan khan ATP chuan ranking thar ber a ti chhuak a, Spanish tlangval Nadal chuan a chung ber dinhmun a la luah mah se a him tawk tawh lo. Serbian player nen an inthlauhna chu point 215 chauh a ni tawh.

Season kal laia Grand Slam nomawi pahnih chawi tawh Djokovic chuan, "Tun thleng hian ka kiu zai a nih hnua ṭha taka ka khel chhuak leh thei hi mak ka la ti, season khat deuhthaw kha dam chiang thei loin ka awm a, tunah chuan awih nghal mai hi a harsa a ni.

"World number 1 ni chunga season khar hi player tinin an duhthusam a ni a, kei pawh ka bang bik lo. Chutih rualin ka kuta innghat a ni vek bik lo, ka chunga awm Nadal hian chuti maia kian san a tum lo hle tih a hriat theih," a ti. Paris khawpuiah player ṭha pahnih inelna boruak a sang hle ang.

ATP Ranking Thar
# Player Ram Points
1 Rafael Nadal ESP 7660
2 Novak Djokovic SRB 7445
3 Roger Federer SUI 6260
4 Juan Martin Del Potro ARG 5460
5 Alexander Zverev GER 5115
6 Kevin Anderson RSA 4230
7 Marin Cilic CRO 4050
8 Dominic Thiem AUT 3825
9 John Isner USA 3425
10 Grigor Dimitrov BUL 3335