Mizo captain intawng dawn

Vawiin chawhnu dar 2:00-ah I League match khat a awm dawn a, Mizo tlangval Samuel Lalmuanpuia captain-na hnuaia khel Shillong Lajong chuan Lalrindika Ralte captain-na East Bengal an mikhual dawn.

Shillong Lajong hi mahni mual an hmanthiam hmingṭhatpuitu an ni a, an match hmasa berah Aizawl FC chu 2-1 in an hneh a, East Bengal hian Neroca chu khualmualah 2-0 in an hneh bawk.

Nimina I League inkhelah Neroca chuan 1-1 in an mikhual Gokulam Kerala an inhnehtawkpui a, Boaringdao Bodo hmahruaina goal chu Neroca tan Eduardo Ferreira chuan a sut a ni.

Champion lai Minerva Punjab chu kai thar Real Kashmir lakah Ivorian striker Gnohere Krizo goal khung hmangin 1-0 in an tlawm thung.

Vawiin Inkhel Tur
Shillong Lajong 2:00 PM East Bengal
Chennai City 5:00 pm Churchill Brothers