Chelsea coach Marco Ianni an hrem

Manchetser United nen an inkhelh ṭuma an goal khung uchuak taka lawmtu Chelsea coaching staff zinga mi Marco Ianni chu £6,000 (Rs 5,64,005) chawi tir a ni. England -a football thuneitu sang FA chuan an hremna hi a pawm thu an sawi nghal.

Blues hi an mualah an tlawm dawn niin a lang hman a, mahse hun tawp dawnah Ross Barkley-a'n an siphurh sutin 2-2 in an inhnehtawk. Goal a luh chiah hian United manager Jose Mourinho hmaah Ianni hi a tlan chiam a ni.

Inkhelh banah Ianni hian ngaihdam a dil nghal a, head coach Maurizio Sarri pawhin thupha a chawipui bawk. Man United manager Mourinho pawhin a hriatthiam thu sawi mah se, a chet dan mawi lo avangin an chungah hremna lekkawh a ni ta tho.